დახურვა
Geo
ჩანაწერი ვერ მოიძებნა

კომპანიის შესახებ

დროა აირჩიო ხარისხი

კომპანიის შესახებ მნიშვნელოვანი მოვლენები მისია და ღირებულებები შვილობილი კომპანიები
კომპანიის შესახებ

კომპანიის შესახებ

თეგეტა მოტორსი მუდმივად განვითარებასა და სრულყოფაზეა ორიენტირებული. ბიზნეს ჯგუფი, რომელმაც 22 წლიანი წარმატების გზა განვლო, დღეს ლიდერია საავტომობილო პროდუქტებისა და მომსახურების დარგში. ასეთივე წარმატებით, კომპანია წარმოდგენილია ამიერკავკასიის ბაზარზე.

22 წლიანი გამოცდილება უსაფრთ ხო მომავლისთვის

21 ფილიალი საქართველოს მასშტაბით

150 000-მდე რეგისტრირებული საცალო მომხმარებელი

10 000–მდე კორპორატიული კლიენტი

800-ზე მეტი საბითუმო ობიექტი

1000-ე მეტი დასაქმებული ადამიანი

300–ზე მეტი პარტნიორი მსოფლიო ბრენდი

5 შვილობილი კომპნია

ავტომობილების დღიური გამტარიანობა

სერვისში - 1000-მდე

თეგეტა მოტორსი კორპორატიულ და საცალო მომხმარებელს ავტოპროდუქტებისა და ავტოტექმომსახურების სრულ ასორტიმენტს სთავაზობს. კომპანია მოიცავს მსუბუქი და სატვირთო ავტომობილების, ავტობუსების, სამშენებლო და სპეცტექნიკის დიაგნოსტირებას და შეკეთებას სპეციალური ავტორიზებული პროგრამების მეშვეობით. თეგეტა მოტორსში დასაქმებულია 1000-ზე მეტი ადამიანი. კომპანია ემსახურება 10 000-მდე კორპორატიულ კლიენტს და 2000-ზე მეტ საბითუმო ობიექტს, გამოირჩევა დახვეწილი სავაჭრო ინფრასტრუქტურით და აერთიანებს 22 ფილიალს, რომლებიც თბილისში, ასევე ბათუმში, რუხში (ზუგდიდი), ფოთში, ქუთაისში, ახალციხეში, გორში, თელავში, მარნეულსა და ახალქალაქშია. 1995 წელს შპს ავტოექსპორტის სახელით დარეგისტრირებული სათადარიგო ნაწილებით მოვაჭრე პატარა მაღაზია დღეს ჰოლდინგური კომპანიაა, რომელიც 300- ზე მეტი მსოფლიო ბრენდის პარტნიორია. თეგეტა მოტორსი
GROUPAUTO INTERNATIONAL-ის ოფიციალური წევრია და საქართველოში წარმოადგენს კომპანიებს: Bridgestone, Michelin, Hankook, Varta, Exide, Optima, Shell, Motul, Mobil, Meguin, Hengst, ZF Parts, Lemforder, Sachs, Philips, Bosch,
BPW, Thermo King, Febi, Federal Mogul და ა.შ. თეგეტა მოტორსი, წარმოადგენს ჰოლდინგურ კომპანიას, რომელშიც შედის შემდეგი კომპანიები: შპს თეგეტა თრაქ ენდ ბასი (MAN Truck & Bus AG-ის, ოფიციალური წარმომადგენელი), შპს თეგეტა ქონსთრაქშენ ექვიფმენთი (JCB-ის ოფიციალური წარმომადგენელი); შპს თეგეტა პრემიუმ ვიიქელს (პორშესა და მაზდას ოფიციალური დილერი), ტრანსკავკასიური სადისტრიბუციო კომპანია (Shell Lubricants – ოფიციალური წარმომადგენელი) და ტოიოტა ცენტრი თეგეტა (TOYOTA-ს ოფიციალური დილერი საქართველოში). კომპანია ყოველწლიურად ზრუნავს მაღალტექნოლოგიურ განვითარებაზე მსოფლიოს წამყვანი ბრენდების მხარდაჭერით, დასავლური ცოდნის, გამოცდილების გაზიარებითა და საკუთარ საქმიანობაში დანერგვით. თეგეტა მოტორსი მუდმივად ხარისხზეა ორიენტირებული, სწორედ ამაზე მეტყველებს კომპანიის უცვლელი სლოგანი „დროა აირჩიო ხარისხი“. თეგეტა მოტორსი მრავალი სასახელო ჯილდოს მფლობელია, მან უკვე 4-ჯერ მოიპოვა „ოქროს ბრენდის" სტატუსი და არაერთხელ მიიღო „წლის კომპანიის" აღიარება „ოქროს პერგამენტის" დაჯილდოებაზე. უმაღლესი დონის სერვისმა და საერთაშორისო სტანდარტების სერვის-ცენტრებმა განაპირობა ის, რომ თეგეტა მოტორსი, პირველად საქართველოში, ავტომობილების გაყიდვისა და მომსახურების სფეროში ISO 9001:2015 სტანდარტის საერთაშორისო ხარისხის სერტიფიკატი მიენიჭა. ბიზნეს-პროცესების ავტომატიზაციისა და მუშაობის ეფექტურობის გაზრდის მიზნით, თეგეტა მოტორსმა საქართველოში პირველმა დანერგა ბიზნესის მართვისა და ბიზნეს-პროცესების ადმინისტრირების ავტომატიზებული თანამედროვე პროგრამა SAP.

მნიშვნელოვანი მოვლენები

1995 წელი

„თეგეტა მოტორსი“ დაფუძნდა  როგორც შპს “ავტოექსპორტი”.

2001 წელი

კომპანია „თეგეტა მოტორსის“ სახელით იკავებს პოზიციებს ბაზარზე.

2005 წელი

დაარსდა „თეგეტა მოტორსის“ შვილობილი კომპანია შპს “თეგეტა თრაქ & ბას”, რომელიც წარმოადგენს უმსხვილესი გერმანული მანქანათმშენებელი კონცერნის “MAN Nutzfahrzeuge AG”-ის ოფიციალურ პარტნიორს საქართველოში. სპეციალიზირდება სატვირთო ავტომობილების, ავტობუსების, სამშენებლო ტექნიკის, სპეც-ტექნიკის რეალიზაციისა და რეალიზაციის შემდგომი საგარანტიო მომსახურების სფეროში.

2007 წელი

დაარსდა „თეგეტა მოტორსის“ შვილობილი კომპანია შპს “Tegeta Construction Equipment”, რომელიც წარმოადგენს ბრიტანული კომპანია “JCB”-ის ოფიციალურ პარტნიორს საქართველოში. სპეციალიზირდება საგზაო და სამშენებლო ტექნიკის რეალიზაციასა და რეალიზაციის შემდგომი საგარანტიო მომსახურების სფეროში.

2010 წელი

დაარსდა „თეგეტა მოტორსის“ შვილობილი კომპანია შპს „თეგეტა პრემიუმ ვიიქელს“ – „პორშეს“ და „მაზდას“ ოფიციალური იმპორტიორი საქართველოში.

2011 წელი

გაიხსნა ახალი სერვის ცენტრები ფოთსა და ბათუმში. ფოთის სერვის ცენტრი წარმოადგენს ერთ-ერთ საუკეთესო სერვის ცენტრს არქიტექტურისა და ინფრასტრუქტურის თვალსაზრისით, რომელიც მდებარეობს საქართველოს მთავარ თავისუფალ ინდუსტრიულ ზონაში.

2011 წელი

„თეგეტა მოტორსმა“ გახსნა „პორშე ცენტრი თბილისი“

2012 წელი

„თეგეტა მოტორსმა ქართულ ბაზარზე შემოიყვანა იაპონური ბრენდი „მაზდა“.

2012 წელი

კომპანია Groupauto International-ის ოფიციალური წევრი გახდა, რაც საერთაშორისო საავტომობილო ბაზარზე სათადარიგო ნაწილების განაწილებისა და მომსახურების ქსელს წარმოადგენს. გაწევრიანებით კომპანიამ ავტო-სათადარიგო ნაწილების მიმართულებით ოპტიმალური გარემოს შექმნისთვის მნიშვნელოვანი ნაბიჯი გადადგა და სამომავლო გამოწვევებისათვის საიმედოდ აღიჭურვა.

2013 წელი

„თეგეტა მოტორსის“ ახალი მულტიბრენდული დიზელის სერვის ცენტრის მშენებლობა, რომელსაც ანალოგი არ აქვს ამიერკავკასიის ბაზარზე. სერვის ცენტრი სპეციალურად დიზელზე მომუშავე ავტომობილებისთვისაა განკუთვნილი, როგორც  მსუბუქი და სატვირთო ავტომობილებისთვის, ასევე სპეც-ტექნიკისთვის.

2013 წელი

„თეგეტა მოტორსის“ მეხუთე შვილობილი კომპანია ტოიოტა ცენტრი თეგეტა დაარსდა - ტოიოტას ახალი სერვისცენტრი საქართველოში. 2013 წელს „თეგეტა მოტორსსა“ და „ტოიოტა კავკასიას“ შორის ურთიერთთანამშრომლობის შეთანხმება შედგა, ხოლო 2014 წელს კომპანიამ „ტოიოტა კავკასიისგან“ ტოიოტას დილერისა და ავტორიზებული სერვისცენტრის სტატუსი მიიღო.

2017 წელი

თეგეტა მოტორსის ახალი ფილიალი გაიხსნა ბაქოში. აღნიშნულ ფილიალში ადგილობრივ მომხმარებელს საშუალება ექნება ერთ სივრცეში შეიძინოს მსოფლიოში წამყვანი ბრენდების უმაღლესი ხარისხის პროდუქცია და მიიღოს მომსახურების უმაღლესი სტანდარტი კომფორტული გარემოში.

მისია და ღირებულებები

ჩვენი მისია

ჩვენი მოღვაწეობა ეფუძნება კლიენტებთან, პარტნიორებთან და პერსონალთან გრძელვადიანი თანამშრომლობის პრინციპებს. ჩვენი მისიაა პროფესიონალიზმით, თავდადებითა და ახალი ტექნოლოგიების დანერგვით შევქმნათ მომსახურების
უმაღლესი სტანდარტი და ავტოსერვისის ახალი კულტურა საქართველოში.



კორპორატიული ღირებულებები

ჩვენ ვართ საქართველოს ბაზრის ლიდერი კომპანია და ვმართავთ ბიზნესს კეთილსინდისიერად და ეფექტურად. ჩვენი მიზანია ქვეყნის ფარგლებს გარეთ გავიტანოთ უნიკალური „ნოუ-ჰაუ", რომელიც შევქმენით მრავალწლიანი წარმატებული განვითარების შედეგად.

შვილობილი კომპანიები

„ტოიოტა ცენტრი თეგეტა“

2013 წელს თეგეტა მოტორსის შვილობილი კომპანია, საქართველოში ტოიოტას ახალი სერვისცენტრი – ტოიოტა ცენტრი თეგეტა დაარსდა. 2013 წელს თეგეტა მოტორსსა და ტოიოტა კავკასიას შორის ურთიერთთანამშრომლობის შეთანხმება შედგა, ხოლო 2014 წელს კომპანიამ ტოიოტა კავკასიისგან ტოიოტას დილერისა და ავტორიზებული სერვისცენტრის სტატუსი მიიღო. კომპანია მონობრენდულია და მისი მომსახურება სრულიად ტოიოტას ბრენდის ავტომობილებზეა ფოკუსირებული. ამ ეტაპზე კომპანია მომხმარებელს სთავაზობს ტოიოტას უახლესი მოდელების ავტომობილებს, მაღალი ხარისხის ორიგინალ ავტოსათადარიგო ნაწილებს, აქსესუარებს და ტექ. მომსახურებას. სერვისი აღჭურვილია უახლესი ავტორიზებული პროგრამებით და კვალიფიციური პერსონალით, რომლის წყალობით მომხმარებელი იღებს მაქსიმალურ კომფორტს და საუკეთესო შეთავაზებას ტოიოტას ავტომობილებსა და სერვისზე. აღნიშნული პროექტი განხორციელდა ს. ს. თიბისი ბანკისა და ევროპის რეკონსტრუქციისა და განვითარების ბანკის (EBRD) მხარდაჭერით, რომლის დროსაც თეგეტა მოტორსმა 11 მილიონამდე ლარის ინვესტიცია განახორციელა.

"მაზდა ცენტრი თეგეტა"

მაზდა ცენტრი თბილისი ქართულ საავტომობილო ბაზარზე 2012 წლის მაისში შემოვიდა. საქართველოში მას წარმოადგენს შპს თეგეტა პრემიუმ ვიიქელს, რომელიც თეგეტა მოტორსის შვილობილი კომპანიაა. ავტოსალონი წარმოდგენილია სამოდელო რიგის უახლესი ავტომობილებით თეგეტა მოტორსის სათაო ოფისში. მაზდა იაპონური ავტომწარმოებელია, მისი ისტორია 1920 წლიდან იწყება. მსოფლიოში მაზდა ცნობილია იაპონური ხარისხით, გამძლეობით და დახვეწილი დიზაინით. მაზდა განთქმულია ძრავის წარმოების ტექნოლოგიებით. ეს არის ერთადერთი კომპანია, რომელმაც სერიულ წარმოებაში გაუშვა ავტომობილები ვანკელის როტორული ძრავით. იგი არის ერთადერთი იაპონური მწარმოებელი, რომელმაც მოიპოვა გამარჯვება Le Mans 24 საათიან რბოლაში გამძლეობაზე.

"პორშე ცენტრი თბილისი"

შპს თეგეტა პრემიუმ ვიიქელსმა 2011 წელს მოიპოვა პორშეს ოფიციალური იმპორტიორის სტატუსი საქართველოში და ამავე წელს თბილისში გაიხსნა პორშეს ცენტრი.


კომპანია ქართველ ავტომფლობელებს სთავაზობს პორშეს უახლესი სამოდელო რიგის მთელ სპექტრს.

"თეგეტა თრაქ & ბას"

2006 წელს დაარსდა თეგეტა მოტორსის შვილობილი კომპანია შპს თეგეტა თრაქ & ბას – ერთ-ერთი უმსხვილესი გერმანული საავტომობილო კონცერნის, მან თრაქ ენდ ბასის ოფიციალური წარმომადგენელი საქართველოში, რომელიც სპეციალიზირდება სატვირთო ავტომობილების, სამშენებლო ტექნიკის,ავტობუსების, მუნიციპალური და სხვა სახის სპეც-ტექნიკის რეალიზაციისა და რეალიზაციის შემდგომი საგარანტიო მომსახურების სფეროში. დღეისათვის თეგეტა თრაქ & ბასი, ისეთი მძიმე და სოფლისმეურნეობის ტექნიკის მწარმოებელი კომპანიების ოფიციალური წარმომადგენელი და პარტნიორია საქართველოში, როგორებიცაა: MAN SCHMITZ CARGOBULL, CIFA  და სხვა.

"თეგეტა ქონსთრაქშენ ექვიფმენთი"

2007 წელს დაარსდა თეგეტა მოტორსის შვილობილი კომპანია შპს თეგეტა კონსტრაქშენ ექუიპმენტი – JCB-ის და DRESSTA-ს, ოფიციალური პარტნიორი საქართველოში. კომპანია გთავაზობთ ცნობილი ბრიტანული ბრენდის, JCB-ის სამშენებლო და საგზაო ტექნიკას სრული საგარანტიო მომსახურებით, ასევე ნებისმიერი სამშენებლო ტექნიკის სერვისსა და სათადარიგო ნაწილებს.

ტრანსკავკასიური სადისტრიბუციო კომპანია

2010 წელს დაარსდა თეგეტა მოტორსის შვილობილი ტრანსკავკასიური სადისტრიბუციო კომპანია (TDC), რომელიც შელის (Shell) საცხებ-საპოხი მასალების რეგიონა-ლური მაკრო დისტრიბუტორია ამიერკავკასიაში. კომპანიის მიზანია შესთავაზოს რეგიონა-ლურ ბაზარს პრემიალური ბრენდების საუკეთესო პროდუქცია. ხარისხის პროდუქცია: Shell, Landi Renzo, Safe, Flashlube, Faber, Energizer და ხელი შეუწყოს აღნიშნული პროდუქციის მომხმარებელი დარგების განვითარებას რეგიონში.

გვიპოვნეთ რუკაზე